Lexoni edhe:
Tyxhari mashtrues e mafio-politik, Behgjet Pacolli, në aksion për t’a zhvatur edhe qeverinë Kurti!
Të enjten mbahet seanca plenare e Kuvendit
Kryetari i Kuvendit, Glauk Konjufca në konsultim me nënkryetarët e Kuvendit që ishin prezentë në mbledhjen e kryesisë dhe kryetarët e grupeve parlamentare ka caktuar seancën plenare të Kuvendit që do të mbahet të enjten.
“Mbledhja e Kryesisë së Kuvendit të Republikës së Kosovës, e paraparë për sot, në mungesë të kuorumit nuk arriti të mbahej. Në konsultim me nënkryetarët prezentë dhe kryetarët e grupeve parlamentare, kryetari i Kuvendit, Glauk Konjufca, bëri të ditur se në bazë kompetencave të tij kushtetuese, cakton seancën plenare të radhës, të enjten, më 18 nëntor 2021, në orën 10:00.”, thuhet në komunikatën e zyrës për media të Kuvendit.
Konjufca tha sot se Lista serbe po e bojkoton mbledhjen e kryesisë qëllimshëm.
“Lista serbe është duke e bojkotuar qëllimshëm. Ne nuk pranojmë asnjëlloj shantazhi në kryesi të Kuvendit. Simiq po vjen në Kuvend por kur po e sheh që jemi 4 dhe është kourum i mjaftueshëm po largohet. Këtë e ka bërë edhe sot, nëpërmjet kësaj”, tha ai.
(Kosova Sot Online)
