Lexoni edhe:
Oaza e krimit në veri bashkon serbët dhe shqiptarët, nuk pastrohet as luftohet me izolim të vetëm Veselinoviçit e Radojçiçit!
Sipas një raporti të Reporterëve pa Kufij, 488 gazetarë janë burgosur gjatë këtij viti ndërsa 46 janë vrarë.
Rritja prej 20% në një vit është kryesisht për shkak të tre vendeve, Mianmarit, Bjellorusisë dhe Kinës, ku ligji i sigurisë kombëtare ka shkaktuar një rritje masive të gazetarëve të burgosur.
Gjithashtu “asnjëherë më parë RSF nuk ka regjistruar një numër kaq të madh grash” në mesin e gazetarëve të burgosur- 60.
Megjithëse burrat vazhdojnë të përbëjnë shumicën dërrmuese të gazetarëve të burgosur në mbarë botën (87.7%), më shumë gra (17) janë burgosur në Bjellorusi sesa burra (15). Në Mianmar ku ushtria mori pushtetin në një grusht shteti, numri i gazetarëve është rritur në 53, nga dy një vit më parë, shkruan abcnews.al
Pesë vendet ku janë burgosur më shumë gazetarë janë: Kina (127), Mianmari (53), Vietnami (43), Bjellorusia (32) dhe Arabia Saudite (31).
Megjithatë, numri i gazetarëve dhe profesionistëve të medias të vrarë – 46 persona është më i ulëti që është regjistruar në 20 vite, thekson organizata.
Shumica e vdekjeve ishin vrasje të synuara: “65% e viktimave u shënjestruan dhe u vranë qëllimisht.
Vendet më të rrezikshme
Meksika dhe Afganistani mbetën dy vendet më të rrezikshme në botë për gazetarët, me 7 dhe 6 viktima respektivisht. Në këtë listë, në vendin e tretë është Jemeni dhe India, me nga 4 të vrarë.
Gjithashtu 65 gazetarë dhe bashkëpunëtorë të medias mbahen peng.
(Kosova Sot Online)