Haradinaj: Lajmi i ditës do të ishte nuk do të ketë shtrenjtim të rrymës, e jo u rikthye në prodhim blloku B2
Deputeti i AAK-së, Ramush Haradinaj, ka reaguar pas rikthimit të bllokut B2 në punë. Sipas tij, lajmi i ditës do të ishte se nuk do të ketë shtrenjtim të rrymës në Kosovë, e jo u rikthye në prodhim Blloku B2.
Ai iu ka drejtuar edhe Kurtit, duke i thënë: “Kryeministër mos e shtrenjto rrymën, e lëri retorikat”.
Reagimi i tij i plotë:
Lajmi i ditës do të ishte “nuk do të ketë shtrenjtim të rrymës në Kosovë” e jo u rikthye në prodhim Blloku B!
Nuk është hera e parë që bjen e rikthehet ky bllok.
Kryeministri i paska bërë disa pyetje hipotetike: Eh sikur ta kishim të renovuar Kosovën A…eh sikur ti kishim blloqet B-3, B-4… eh sikur…
Po paska harru të thotë: Eh sikur të mos e kisha bllokuar projektin “Kosova e Re”; eh sikur të mos e kisha refuzuar gazin amerikan…
Po e shkuara është e shkuar. Ai nuk është aty për të vajtuar por për të gjetur zgjidhje.
Kryeministër mos e shtrenjto rrymën, e lëri retorikat.
(Kosova Sot Online)
