Shoferi shpëton mrekullisht pasi një copë e madhe betoni iu përplas në xhamin e veturës

Një copë betoni ka rënë nga një mbikalim në Kaliforni, duke u përplasur në xhamin e një veture, por që fatmirësisht shoferi ka shpëtuar pa u lënduar. 

Leonard Brown, 64 vjeçar tregoi se ishte duke vozitur, kur diçka që ai fillimisht mendoi se ishte një copë akulli ose bore u përplas në xhamin e veturës së tij. 

Lexoni edhe:

Ish-pjesëtari i UÇK-së i dënuar me burgim të përjetshëm vdes në burgun e Maqedonisë

“Erdhi në drejtim të kokës sime,” tha ai për WBZ-TV. 

Brown i cili ndaloi në rrugë për të shikuar dëmin, zbuloi se çfarë ishte përplasur në të vërtetë me automjetin e tij.

“Ndërsa po qëndroja aty, kuptova se çfarë kishte ndodhur në të vërtetë. Për pak të më godiste një copë betoni 30 centimetra e gjerë dhe disa centimetra e trashë, e cila depërtoi nga dritarja e përparme dhe ndaloi në ulëset e pasme të veturës sime Audi Q5”.

Ai tutje ka treguar se ishte duke e vizituar Massachusettsin, në mënyrë që gruaja e tij t’u nënshtrohej trajtimeve të kancerit, duke shtuar se ishte me fat që ajo nuk ishte në veturë në momentin e incidentit.

(Kosova Sot Online)