Lexoni edhe:
Pagat e deputetëve të Kuvendit dhe institucioneve të drejtësisë, janë tepër të larta
Gjykata merr një vendim për gruan nga Ferizaj që e theri me thikë kuzhine burrin e vet
Gjykata Themelore në Ferizaj ka caktuar masën e paraburgimit në Institucionin e Kujdesit Shëndetësor, gruas që ka tentuar ta privojë nga jeta bashkëshortin, duke e goditur me thikë kuzhine.
Vendimi është marrë të mërkurën, ka bërë të ditur Gjykata.
“Gjykata Themelore në Ferizaj, ka aprovuar kërkesën e Prokurorisë Themelore të Ferizajt, për caktimin e masës së paraburgimit në Institucionit e Kujdesit Shëndetësor kundër të pandehurës Q.B. shtetase e Republikës së Kosovës, për shkak të dyshimit të bazuar se ka kryer veprën penale vrasja në tentativë nga neni 172 lidhur me nenin 28 të Kodit Penal të Republikës së Kosovës (KPRK)”, thuhet në njoftimin e Gjykatës.
Tutje bëhet e ditur se rasti ka ndodhur më 7 shkurt, në shtëpinë e përbashkët të çiftit.
“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë, se e pandehura më 7 shkurt 2022, në shtëpinë e tyre të përbashkët, me dashje ka tentuar që ta privoj nga jeta tani të dëmtuarin – bashkëshortin e saj, në atë mënyrë që të njëjtin e sulmon me një mjetë të përshtatshëm për shkaktimin e lëndimit të rëndë trupor – thikë, duke e goditur një herë në pjesën e qafës, ku për pasojë të dëmtuarit i shkaktohen lëndime të rënda trupore, për shkak të cilave detyrohet të kërkoj ndihmën mjekësore fillimisht në Qendrën Emergjente në Ferizaj, e më pas edhe në QKUK në Prishtinë”, ka njoftuar Gjykata.
E dyshuara do të mbahet një muaj në paraburgim, në Institucionin e Kujdesit Shëndetësor që gjendet në Institutin e Psikiatrisë në Prishtinë.
“Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurës e ka aprovuar si të bazuar konform dispozitave të KPPRK-së, dhe të njëjtës i është caktuar masa e paraburgimit në kohëzgjatje prej një (1) muaj e cila masë do të mbahet në Institucionit e Kujdesit Shëndetësor – Institutin e Psikiatrisë Forenzike në Prishtinë”, ka njoftuar Gjykata.
(Kosova Sot Online)
