Situata alarmante rreth Ukrainës, pritet një telefonatë Biden -Putin

A.P /
11 February 2022 - 21:47

Situata alarmante mes Rusisë e Ukrainës ka bërë që SHBA-të të bëjnë një paralajmërim që sulmet ruse mund të fillojnë këto ditë, shkruan Reuters.

Megjithëkëtë, këshilltari i sigurisë kombëtare të Shtëpisë së Bardhë, Jake Sullivan tha se mbetet ende e paqartë nëse Vladimir Putin ka dhënë përfundimisht urdhrin e tij, duke shtuar se pritet një telefonatë mes Joe Biden dhe homologut të tij rus, Putin.

Ai tha se inteligjenca amerikane besonte se një sulm i shpejtë ndaj Kievit ishte gjithashtu një mundësi dhe se presidenti rus Vladimir Putin mund të urdhëronte një pushtim përpara përfundimit të Lojërave Olimpike Dimërore në Pekin më 20 shkurt.

(Kosova Sot Online)