Lexoni edhe:
AKI ta hetojnë dhe zbulojnë lidhjen e kompanive ndërtimore me narkomaninë!
Negociatat/ Rama: Nëse Bullgaria vijon mbajtjen peng të Maqedonisë, do kërkojmë ndarje
Kryeministri Edi Rama gjatë vizitës së tij në SHBA ka zhvilluar një bashkëbisedim me gazetarët ku ka komentuar dhe qëndrimin e Shqipërisë përsa i përket krizës mes Ukrainës dhe Rusisë.
Rama në fjalën e tij është shprehur se ato do të jenë përkrahë SHBA-së përsa i përket kësaj rruge pasi pozicioni që ato kanë në Këshillin e Sigurimit u dikton një gjë të tillë.
Ndër të tjera ai ka theksuar se në fokus kanë çështjet rajonale, ndërsa krizën në Ukrainë dhe Rusi e ndjekin patjetër por pa pasur rol të rëndësishëm.
“Ministria e jashtme i ka marrë të gjithë masat dhe kemi disa qytetarë shqiptarë që janë në misionin e OSBE dhe do të qëndrojnë atje për monitorim. Ne jemi shumë të vetëdijshëm për pozicionin e ri që kemi marrë në arenën ndërkombëtare falë pranisë sonë në këshillin e sigurimit. Ne e dimë shumë mirë vendin tonë, qëndrimin dhe pozitën tonë por të gjithë ato që kemi për të thënë nuk përtojmë që ti themi, dhe në qëndrime tona ne jemi të njësuar me SHBA.
Ne kemi një avantazh të konsiderueshëm për të shfrytëzuar hapësirën e të që na jep ky duet dhe do të jemi të kujdesshëm për çështjen me interes të drejtpërdrejt të vendit që është çështja e qëndrueshmërisë për paqen. Jo se ne jemi jashtë konfliktit mes konfliktit dhe Ukrainës dhe Rusisë por primare për ne është çështja rajonale”, ka thënë Rama.
Ndërkohë në lidhje me hapjen e negociatave ai është shprehur se është për të ardhur keq sesi Maqedonia ka ngelur peng i Bullgarisë, por sipas tij nëse do të vijojë sërish ky qëndrim ato do të kërkojnë ndarje.
“Konferenca ndërqeveritare ka lidhje me Bullgarinë jo me Brukselin është një çështje e absurdit procedurial dhe politik dhe e kemi shtruar në pyetësorin e Këshllimit Kombëtar për të mësuar dhe mendimin e tyre dhe ne në bazë të kësaj do të jemi më të sigurt pasi kemi dilemën tonë për ta ndërmarrë që është ndarja nga Maqedonia e Veriut pasi është e pakuptimtë që ne të presim që Bullgaria të lirojë pengun e vet Maqedoninë e Veriut”, ka thënë Rama.
(Kosova Sot Online)
