Lexoni edhe:
Dy dekada në heshtje përballë krimit të organizuar, Qeveria është para provimit të madh
Ambasadori serb që ‘ra e u mbyt’ në Portugali, akuzohej për se abuzoi seksualisht me të bijën 9 vjeç
Oliver Antic javën e kaluar iu tek të notojë në një lum në Portugali, në një vend që njihej si ‘goja e ferrit’ nga banorët dhe u mbyt. Ngjarja me gjithë se dukej e dyshimtë dhe në rrethana të dyshimta që nga fillimi, tani mediat serbe raportojnë se ai kishte padi për pedofili nga partnerja e tij për abuzim seksual të vajzës së tyre 9 vjeç.
Oliver Antic me 27 janar ishte paditur nga ana e nënës së tij në prokurorinë serbe për abuzim seksual të bijës së tyre asokohe 9 vjeç sipas redaktorit të gazetës serbe Blic që ka pretenduar se e kanë parë padinë dhe i është konfirmuar nga prokuroria. Antic u mbyt në Portugali me 18 shkurt sipas raporteve të mediave portugeze pasi hyri të notojë në lum.
Në dokumentin që ka rrjedhur në mediat serbe janë të detajuara veprimet kriminele e të pështira të Antic ndaj bijës së tij, që kanë ndodhur në një periudhë rreth një vit.
Antic një politikan me përvojë i njohur për veprimtarinë e gjatë në krahun ekstrem politik serb, që nga Milosevici, Seselj dhe pastaj me një oportunizëm kishte kaluar nga partia që sot i prinë Aleksandar Vucic, Partia e Progresiste e Serbisë (SNP), si krah i djathtë i themeluesit Tomislav Nikolic, që u bë edhe president i Serbisë për një periudhë.
Antic i kishte prirë një periudhë si dekan fakultetin juridik të Beogradit ku i ishte vënë nofka ‘Luciferi i dekanatit’ pasi kishte spastruar rreth 17profesorë të padëgjueshëm dhe kritikues të regjimit të Slobodan Milosevic.
(Kosova Sot Online)
