Presidentja Osmani takon ambasadorin amerikan: Jemi në linjë me aleatët për të parandaluar çdo destabilizim në rajon

Presidentja Vjosa Osmani ka takuar ambasadorin amerikan në Kosovë, Jeff Hovenier, për të diskutuar mbi zhvillimet e fundit pas sulmit rus në Ukrainë.

Osmani ka njoftuar për takimin përmes rrjetit social Twitter ku ka shkruar se e dënojmë fuqishëm agresionin rus dhe janë në koordinim me aleatët për të parandaluar destabilizimin në rajon.

“U takova me ambasadorin amerikan në Kosovë për të diskutuar zhvillimet pas agresionit të paprovokuar të Rusisë kundër Ukrainës dhe ndikimin rajonal. Ne e dënojmë fuqimisht agresionin e Rusisë dhe jemi plotësisht në linjë me aleatët për të parandaluar çdo destabilizim në rajonin tonë”, ka shkruar Osmani.

(Kosova Sot Online)