Gazetarja ukrainase përballet me Johnsonin: Nuk vini në Ukrainë sepse keni frikë

Një gazetare ukrainase është përplasur sot me kryeministrin britanik, Boris Johnson, në një konferencë shtypi në Poloni.

Ajo ka kërkuar nga vendet perëndimore të zbatojnë një zonë të ndaluar fluturimi mbi vend.

Gazetarja akuzoi NATO-n se nuk dëshironte ta bënte këtë nga frika se do të kishte një Luftë të Tretë Botërore – por tha se kjo “tashmë kishte filluar”, teksa në fund të deklaratës së saj para Johnsonit, ajo gati sa nuk ka shpërthyer në lot.

Në përgjigje, Johnson ka thënë se kriza “nuk ishte diçka që Mbretëria e Bashkuar mund ta rregullojë me mjete ushtarake”.

(Kosova Sot Online)