Momenti kur kapiteni i një cisterne nafte refuzoi të furnizonte me karburant një anije ruse
Një kapiten gjeorgjian i një cisterne nafte nuk kishte pranuar të furnizonte me karburant një anije ruse për të protestuar kundër pushtimit të Ukrainës. Ekuipazhi u shprehen “shumë krenarë” me veprimin e tij.
Ngjarja ndodhi të dielën e kaluar, dhe videoja fillimisht u publikua nga reporterja e Zërit të Amerikës, Fatima Tlis, dhe më pas u shpërnda në mediat sociale.
“A jeni nga Rusia?” dëgjohet duke pyetur kapiteni i cili u identifikua me emrin David. Emri i tij i plotë u mbajt i fshehur për të mbrojtur identitetin e tij.
Kur nga anija u përgjigjën me “po” David u tha: “Ne refuzojmë të furnizojmë me karburant anijen ruse. Lavdi Ukrainës”.
Të dyja anijet ndodheshin diku në Lindjen e Mesme dhe nuk ishin të lidhura me konfliktin në Europë, tha gruaja e David, Ana.
Ajo tha se nuk i lejohet të tregojë vendin e saktë të lokacionit për arsye sigurie.
(Kosova Sot Online)
