Lexoni edhe:
Kujdes! Nëse e gjeni në shtëpi këtë insekt, mos bëni gabim ta vrisni
Ministrja Haxhiu: Lirinë e gëzojmë falë rezistencës së familjes Jashari dhe luftës së UÇK-së
Ministrja e Drejtësisë, Albulena Haxhiu, ka përkujtuar përvjetorin e 24-të të Epopesë së UÇK-së, duke thënë se rënia e familjes Jashari ka hapur shtigjet e lirisë.
“Më 5,6 dhe 7 mars, kujtojmë me krenari rezistencën e pashembullt të familjes Jashari, jehonë e cila përveç që ngriti në këmbë një komb të tërë, tronditi botën e qytetëruar, për të kthyer vëmendjen e merituar të miqve ndërkombëtarë dhe popujve liridashës” ka shkruar Haxhiu në Facebook.
Ajo ka shtuar tutje se lirië e gëzojmë falë rezistencës së familjes Jashari dhe luftës së UÇK-së.
Ky është postimi i plotë i ministres:
Rënia e lavdishme e familjes Jashari, me komandantin legjendar, Adem Jasharin, hapi shtigjet drejt lirisë.
Më 5,6 dhe 7 mars, kujtojmë me krenari rezistencën e pashembullt të familjes Jashari, jehonë e cila përveç që ngriti në këmbë një komb të tërë, tronditi botën e qytetëruar, për të kthyer vëmendjen e merituar të miqve ndërkombëtarë dhe popujve liridashës.
Lirinë e gëzojmë falë rezistencës së familjes Jashari dhe luftës së UÇK-së.
Lavdi të rënëve të familjes Jashari!
Lavdi dëshmorëve të Ushtirsë Çlirimtare të Kosovës!
(Kosova Sot Online)
