Në QKUK kryhet një intervenim që nuk është bërë më parë – korrigjim i kafazit të kraharorit me Pectus Bar

Shërbimi Klinik Universitar i Kosovës ka bërë të ditur se në Klinikën e Kirurgjisë është kryer një intervenim, i cili më herët nuk është bërë në Kosovë, korrigjimi i kafazit të kraharorit.

Në njoftim thuhet se qytetarët që kishin nevojë për këtë lloj operacioni, viteve të kaluara kanë kërkuar mjekim në shtetet e huaja, duke shpenzuar mijëra euro.

Lexoni edhe:

Kosova në NATO, ambasadorët të mobilizohen në lobim me kërkesën për anëtarësim

“Në Klinikën e Kirurgjisë Torakale të Qendrës Klinike Universitare të Kosovës është kryer një intervenim, i cili më herët nuk është bërë në Kosovë.

Bëhet fjalë për korrigjim të kafazit  të kraharorit me Pectus Bar (pjesë metalike e vendosur në pjesën e përparme të gjoksit).

Pa pasur zgjidhje tjetër, qytetarët që kishin nevojë për këtë lloj operacioni, viteve të kaluara kanë kërkuar mjekim në shtetet e huaja, duke shpenzuar mijëra euro”, thuhet në njoftim. 

(Kosova Sot Online)