“Kurrë s’kemi mbledhur kaq shumë”, Gjermanët dhurojnë para të majme për t’i ndihmuar ukrainasit

Për ukrainasit, donacionet në Gjermani kanë arritur nivele rekord, ndërsa Instituti Qendror Gjerman për Çështjet Sociale parashikon se mbledhja e fondeve për viktimat e luftës do të jetë më e madhja e këtij lloji në historinë gjermane.

Organizata ombrellë gjermane Aktionsbündis Katastrophenhilfe, e përbërë nga Caritas-i ndërkombëtar, Kryqi i Kuq gjerman, UNICEF-i gjerman dhe organizata humanitare e Kishës Ungjillore gjermane, raportoi më shumë se 76 milionë euro të mbledhura deri më tani.

“Asnjëherë në historinë e organizatës sonë, kurrë në 21 vitet e fundit nuk kemi pasur kaq shumë donacione në kaq pak kohë”, tha menaxheri i Aktionsbündis, Dominique Mann.

Një tjetër organizatë humanitare gjermane, Aktion Deutschland Hilft, raportoi se kishte mbledhur 55.9 milionë euro donacione, të cilat zëdhënësi i krahasoi me donacionet e bëra gjatë cunamit të Oqeanit Indian të vitit 2004 dhe përmbytjeve të vitit 2021 në Gjermani.

Sipas menaxherit të marketingut të Aktion Deutschland Hilft, mënyrat e pagesës dixhitale ishin një faktor kyç në madhësinë e donacioneve, sepse njerëzit mund të dhuronin shpejt dhe lehtë.

(Kosova Sot Online)