Lexoni edhe:
Lajmi i fundit: Arrestohen komandantët e dy pikave kufitare dhe krejt policët që ishin në ndërrim
Përfundon aksioni në Qafë Morinë, dërgohen policë nga pikat e tjera kufitare
Në Qafë Morinë ka përfunduar aksioni i Inspektoratit Policor të Kosovës në koordinim me Prokurorinë Speciale të Kosovës. Pasi që policët që ishin në ndërrim u arrestuan, Policia e Kosovës dërgoi policë nga pikat e tjera kufitare për të mbuluar mungesën e tyre.
Media raporton se secila veturë që po hyn po kontrollohet në mënyrë rigoroze.
Media raportoi se në pranga kanë rënë dy komandantët e dy vendkalimeve kufitare të Qafë Prushit dhe Qafë Morinës. Përveç tyre IPK ka arrestuar krejt policët që ishin në ndërrim, konfirmuan burimet e Expressit brenda PSRK-së.
Aksioni ka filluar në orët e hershme të mëngjesit në Gjakovë dhe Prizren dhe është duke vazhduar akoma. Pritet arrestimi i dhjetëra zyrtarëve policorë.
IPK tha se operacionit të sotëm i ka paraprirë një hetim rreth njëvjeçar me dyshimin për përfshirje në aktivitete të kundërligjshme të një numri të zyrtarëve policorë lidhur me veprat penale “marrje e ryshfetit” dhe “keqpërdorim i pozitës apo autoritetit zyrtar”.
“Ky operacion i IPK-së i koduar me emrin “Pika” është duke u përkrahur edhe nga Agjencia e Kosovës për Inteligjencë, Dogana e Kosovës dhe Policia e Kosovës.
(Kosova Sot Online)
