Lexoni edhe:
Thyhet rezistenca e KPK-së kundër transparencës në zgjedhjen e Kryeprokurorit të ri të shtetit
Kandiq e irrituar me kandidatët për president të Serbisë: Asnjëri s’e njeh realitetin që Kosova është pavarësuar nga 1999-ta
Aktivistja serbe, Natasha Kandiq, e cila është edhe drejtoreshë e Fondit për të Drejtën Humanitare, ka reaguar lidhur me zgjedhjet që do të mbahen në Serbi. Kandiq ka treguar se sa keq qëndron gjendja me pertendentët për pozitën e presidentit të Serbisë.
Ajo thotë se asnjë prej tyre nuk e pranon realitetin që Kosova është bërë shtet i pavarur që nga viti 1999-të.
“S’ka asnjë kandidat për president që e pranon realitetin- që Kosova është bërë e pavarur që nga viti 1999”, ka shkruar Kandiq.
Tutje ajo shton se të gjithë ata që po garojnë për t’u bërë president, janë kundër anëtarësimit të Serbisë në NATO, dhe të gjithë janë kundër vendosjes së sanksioneve për Rusinë.
E irrituar, Kandiq thotë Serbia ka nevojë për një komedian.
“Të gjithë janë kundër anëtarësimit në NATO. Të gjithë janë kundër sanksioneve ndaj Rusisë. Ne kemi nevojë për një komedian”, ka shkruar Kandiq.
(Kosova Sot Online)
