SHBA hedh dyshime mbi optimizmin e bisedimeve të paqes, nuk beson në ‘seriozitetin’ e Rusisë

Mediat e huaja shkruajnë se ka arsye për optimizëm në bisedimet e paqes midis Rusisë dhe Ukrainës, pasi Rusia thuhet se hoqi dorë nga disa prej kërkesave të saj kryesore.

Rusia tha se do të shkurtojë në mënyrë drastike aktivitetin e saj ushtarak të fokusuar në Kyiv dhe Chernihiv, ndërsa disa burime kanë thënë për Financial Times se Rusia po anulon planet e saj për ndryshimin e regjimit në Ukrainë.

Megjithatë, SHBA-të duket se nuk është kaq optimiste. Sekretari i Shtetit Antony Blinken tha se SHBA nuk ka parë shenja të “seriozitetit të vërtetë” nga Rusia, duke shtuar se ka një ndryshim midis asaj që thotë Rusia dhe asaj që bën – dhe SHBA është e fokusuar në këtë të fundit, shkruajnë mediat britanike.

Perëndimi ka qenë kryesisht skeptik ndaj premtimeve ruse, duke përfshirë premtimet e mëparshme për armëpushim të përkohshëm për të lejuar evakuimin e civilëve, të cilat jo gjithmonë janë mbajtur dhe madje është qëlluar drejt civilëve në “korridoret e supozuara humanitare”.

(Kosova Sot Online)