Bie në pranga të Policisë 'Bukla' i Prizrenit, i njohur për mashtrim me vetura

Afrim Kryeziu, i njohur me nofkën “Bukla” ka rënë në prangat e Policisë pasi kërkohej në bazë të urdhër arresteve të lëshuara nga Gjykata Themelore në Prizren.

34-vjeçari njihet për mashtrim, duke ua merr veturat personave të ndryshëm dhe të njëjtat i dërgon në “varrezat” e automjeteve.

Sipas burimeve, ‘Bukla’ u arrestua nga një njësi policore e Stacionit Policor në Malishevë, pasi i njëjti dyshohet se është i përfshirë edhe në një rast që po hetohet nga ky stacion.

Pas përfundimit të rastit, i dyshuari është dërguar në Stacionin Policor të Prizrenit dhe më pas në bazë të urdhër arrestit është transferuar në Qendrën e Paraburgimit në Prishtinë, për ta vuajtur dënimin, shkruan Sinjali.

(Kosova Sot Online)