Lexoni edhe:
Amerika do ta shpëtojë këtë rajon nga diktatura e varfërisë dhe mafias
Nënkryetarja Sahatçiu: Java e vajzave në TIK, për t’i inspiru dhe motivu vajzat në fillimin e karrierës në TIK
Nënkryetarja e Komunës së Prishtinës, Donjeta Sahatçiu ka nisur një aktivitet me rastin e Ditës Ndërkombëtare të Vajzave në TIK (Teknologjia e Informacionit dhe Komunikimit). Në këtë iniciativë janë bashkuar 16 organizata, teksa do të zhvillohen 25 aktivitete për gjatë 3 ditëve.
Sahatçiu ka treguar se kanë arritur të bëjnë bashkë organizatat më të mëdha që punojnë në fuqizimin dhe promovimin e vajzave dhe grave në TIK çdo ditë, nën organizimin Girls in ICT Kosovo.
“Në qytet e fshat, për t’i inspiru dhe motivu në fillimin e karrierës në TIK. Dita Ndërkombëtare e Vajzave në TIK këtë herë shënohet me dashni për shpërndarje të dijes, pasionit dhe vullnetit për punë. Gjatë kësaj fushate tri ditore do të ketë rrëfime personale, punëtori dhe vizita në 13 shkolla fillore dhe të mesme të Komunës së Prishtinës për të promovuar TIK-un si zgjedhje në karrierë me profesionistë të fushës.”, ka thënë Sahatçiu.
Kjo iniciativë do të vazhdojë të organizohet në edicione çdo vit, me më shumë aktivitete dhe organizata partnere. Qëllimi dhe synimi i saj parësor mbetet mbështetja e profesionistëve dhe frymëzimi i vajzave të reja që të konsiderojnë dhe zhvillojnë një karrierë në Teknologjinë e Informacionit dhe Komunikimit.
(Kosova Sot Online)
