Rrotullohet vetura e Policisë në rrugën Mitrovicë-Prishtinë, tre policë të lënduar
Tre policë kanë mbetur të lënduar nga një aksident trafiku që ka ndodhur në rrugën nacionale Mitrovicë-Prishtinë, saktësisht në fshatin Stanovc.
Lajmin e ka konfirmuar zëdhënësi i Policisë së Kosovës në rajonin e Mitrovicës, Avni Zahiti, i cili tha se aksidenti ka ndodhur rreth orës 21:00.
“Aksident me lëndime, i ndodhur rreth orës 21:00, në rrugën nacionale Mitrovicë-Prishtinë zona fshati Stanovc, një veturë policore e përfshirë. Si pasojë e aksidentit tre zyrtarë policor kanë pësuar lëndime trupore.
Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti”, tha Zahiti.
(Kosova Sot Online)
