Replikat Kusari-Tahiri, ky i fundit ngritet nga ulësja dhe ia lë në tavolinë statistikat për rrymën

Deputeti i PDK-së, Abelard Tahiri, ia ka lëshuar në tavolinë shefes së GP të Vetëvendosjes Mimoza Kusari statistikat për prodhim, eksport e import të rrymës të cilat u propozuan nga PDK-ja para disa ditësh në një konferencë për media.

Teksa e mori fjalën Kusari Lila për t’ju kundërpërgjigjur Tahirit ky i fundit u ngrit nga ulësja dhe ia lëshoi letrën me statistikat e rrymës në tre muajt e fundit.

Tahiri dhe Kusari janë përplasur me replika e kundërreplika lidhur me formimin e komisioneve hetimore të energjisë të propozuar nga opozita dhe Vetëvendosje.

Tahiri ka insistuar që Komisioni Hetimor i opozitës të formohet dhe i njëjti të votohet nga partia në pushtet, por me këtë s’është pajtuar Mimoza Kusari Lila, e cila ka kundërshtuar formën e iniciuar nga opozita.

(Kosova Sot Online)