Qosja shkon në ministri të Mbrojtjes e merr një mirënjohje për krijimtarinë letrare

Ministri i Mbrojtjes, Armend Mehaj e ka pritur në takim akademikun e profesorin Rexhep Qosja.

Mehaj përmes një shkrimi në Facebook njoftoi se ka ndarë mirënjohje për Qosjan, për kontributin e tij në krijimtarinë letrare dhe shtet-ndërtimin e Republikës së Kosovës.

“Në këtë takim, Ministri Mehaj ndau mirënjohje për Akademikun Rexhep Qosja, për kontributin e jashtëzakonshëm në krijimtarinë letrare dhe etno-kulturore, si dhe shtet-ndërtimin e Republikës së Kosovës.

Nga ana e tij, Akademiku Qosja e përgëzoi Ministrin Mehaj për punën e palodhshme në vazhdimin e forcimit të Forcës së Sigurisë së Kosovës që është një ndër shtyllat kryesore të shtetit tonë të ri”, thuhet në njoftimin e Mehajt.

(Kosova Sot Online)