Lexoni edhe:
Leonora Jakupi dhe Adrola Dushi bëjnë “xing” me veshjen, cila duket më bukur?
Përfaqësuesi i Lartë ndërkombëtar në Bosnjë paralajmëron destabilizimin e Ballkanit: Putini po e ndez rajonin
Përfaqësuesi i Lartë i komunitetit ndërkombëtar për Bosnjë-Hercegovinën, Christian Schmidt, paralajmëron se presidenti rus Vladimir Putin mund ta destabilizojë Ballkanin: “Ai po e ndez rajonin”.
Përfaqësuesi i Lartë i komunitetit ndërkombëtar për Bosnje-Hercegovinën , Christian Schmidt paralajmëron se presidenti rus Vladimir Putin ka interes ta nxejë politikisht Ballkanin. “Po ndizet në rajon”, tha ish-ministri gjerman i Bujqësisë për “Rheinische Post”, shkruan mediumi publik gjerman, BR24.
Për shembull, Putini po përpiqet të përfitojë nga fakti se NATO nuk ka një reputacion të mirë, veçanërisht në Serbi, tha ai. “Sulmet ajrore të synuara e të kufizuara nga aleanca gjatë luftës së Kosovës në vitin 1999, veçanërisht në kryeqytetin Beograd, nuk janë harruar”, tha Schmidt. Përveç kësaj, ai thekson se ekzistojnë marrëdhënie tradicionale mes serbëve dhe rusëve.
Presidenti serb Aleksandar Vuçiq në veçanti ka lidhje të mira me Moskën.
Javën e kaluar Vuçiq zhvilloi bisedime me kancelarin Olaf Scholz dhe ministren e Jashtme gjermane Annalena Baerbock në Berlin, si dhe me ministren e Mbrojtjes Christine Lambrecht në Beograd. Fokusi i vizitës në Berlin ishte pyetja nëse vendi ballkanik do të hiqte dorë nga qëndrimi i tij prorus. Rreth dy të tretat e serbëve e shohin Rusinë si aleatin e tyre më të rëndësishëm, siç raporton Deutsche Welle. Partitë e ndara të krahut të djathtë mbajnë tubime të rregullta dhe justifikojnë me zë të lartë luftën e Rusisë kundër Ukrainës.
Olaf Scholz kishte ftuar në Berlin edhe kryeministrin e Kosovës, Albin Kurti, kujton BR24.
Christian Schmidt bëri thirrje që të forcohet misioni stabilizues i BE-së “Eufor Althea” në Bosnjë-Hercegovinë. Deri më tani, rreth 2200 ushtarë nga 24 shtete anëtare kanë marrë pjesë, por vetëm rreth 600 janë gjithmonë në terren. “Ne kemi nevojë për më shumë për ta ruajtur besimin në një të ardhme të qëndrueshme dhe paqësore”, tha Schmidt për “Rheinische Post”.
“Eufor Althea” u krijua në vitin 2004 për ta monitoruar sigurinë në Bosnjë dhe zbatimin e Marrëveshjes së Paqes të Dejtonit të vitit 1995 për t’i dhënë fund luftës.
(Kosova Sot Online)
