Ramush Haradinaj mbështetë veteranët me një fotografi: Me ta, sot e për mot

Veteranët e Ushtrisë Çlirimtare të Kosovës, po protestojnë para ndërtesës së Kuvendit, duke kërkuar përfshirjen e tyre në ngritjen e pagës minimale.

E në përkrahje të tyre ka dalë edhe kreu i Aleancës për Ardhmërinë e Kosovës, Ramush Haradinaj.

Lexoni edhe:

Situata e tensionuar në prag të Kuvendit, policët bëhen grumbull për të mos i lënë veteranët të hyjnë brenda

Ai në profilin e tij në Facebook, ka shpërndarë një fotografi, ku ka shkruar: “Me kategoritë e lirisë, me Veteranët, sot e për mot”.

Protesta e organizuar nga OVL e UÇK-së ka eskaluar pasi të njëjtit kanë hyrë në oborrin e Kuvendit duke tentuar të hyjnë edhe brenda ndërtesës, mirëpo janë ndaluar nga forcat e shumta policore.

Autoblindat e Policisë së Kosovës janë parë nëpër rrugët e Prishtinës, teksa shkonin te Kuvendi i Kosovës, ku po protestojnë veteranët. 

https://www.facebook.com/RamushHaradinajOfficial/posts/568986791259340

(Kosova Sot Online)