Lexoni edhe:
Pa neutralizimin e politikës hegjemoniste serbe nuk ka paqe të qëndrueshme dhe stabilitet në Ballkan
Kryeministri Kurti: Vuçiq të heqë dorë nga mohimi i masakrës së Reçakut
Kryeministri i Kosovës, Albin Kurti, ka thënë se për të pasur paqe të qëndrueshme dhe siguri afatgjate në rajonin e Ballkanit Perëndimor, është Serbia ajo që duhet të ndryshojë.
Shefi i qeverisë tha para gazetarëve në lansimin e shërbimeve të reja elektronike në portalin e-Kosova, se presidenti i Serbisë, Aleksandar Vuçiq bën mirë të orientohet drejt një introspeksioni të shoqërisë dhe të shtetit atje, lidhur me krimet e kryera në Kosovë.
Kurti ndër të tjera tha se Vuçiqi duhet të heqë dorë nga mohimi i masakrës së Reçakut.
“Vuçiqi bën mirë që të orientohet drejt një introspeksioni të shoqërisë dhe të shtetit atje, lidhur me krimet e kryera në Kosovë, të heqë dorë nga mohimi i masakrës së Reçakut, siç bëri vitin e kaluar që përveç që s’po e pranojnë Pavarësinë e Kosovës po i mohojnë edhe krimet e regjimit të Millosheviqit”.
“Para çfarëdo shkëmbimi do të duhej të bëjë introspeksionin, ajo shoqëri atje e cila është strehë e një numri të madh të kriminelëve të luftës, ta ketë një vetëkritikë që të kemi paqe të qëndrueshme dhe siguri afatgjate në rajonin e Ballkanit Perëndimor”.
Kryeministri Kurti poashtu theksoi se me Republikën e Shqipërisë marrëdhëniet janë të shkëlqyera, dhe njoftoi se mbledhja e përbashkët e dy qeverive shqiptare, pritet të mbahet pas dy javëve, si vazhdimësi e asaj të mbajtur më 26 nëntor të vitit të kaluar.
(Kosova Sot Online)
