Njeriu i afërt i Vjosa Osmanit e quan Edi Ramën ‘zëdhënës të qeverisë serbe”

Një nga njerëzit më të afërt të presidentes Vjosa Osmani, i cili iu bashkua në Listën Guxo pas ndarjes nga Lidhja Demokratike e Kosovës, Haxhi Avdyli, e ka quajtur kryeministrin e Shqipërisë, Edi Ramën “zëdhënës të qeverisë serbe”.

Një cilësim të tillë për kreun e Qeverisë shqiptare, deputeti Avdyli e ka bërë teksa ka shpërndarë një artikull të një mediumi kosovar në të cilin thuhet se “Rama ka kërkuar mirëkuptim për Serbinë që nuk i vendosi sanksione Rusisë”,

Lexoni edhe:

Lidhja e marrëveshjes për pranim nga ana prokurorisë, gjykatës dhe palës mbrojtëse me krimin po e qojnë rastin e vjedhjes së 3 milion € nga Thesari i Shtetit drejtë dështimit

“Paska fol zëdhënësi i Qeverisë serbe”, ka shkruar Avdyli duke e përcjellë këtë koment të tij me një figurë ilustruese të “neverisë”.

Një reagim i tillë skandaloz i Haxhi Avdylit vjen vetëm pak ditë pasi zëvendëskryeministri Besnik Bislimi kishte shpërndarë një postim në të cilin Edi Rama cilësohej si “pro-serb”.

Bislimi e kishte fshirë atë postim, derisa përgjegjësinë më pas dolën dhe e morën stafi i tij, duke thënë se një gjë e tillë kishte ndodhur gabimisht.

1 / 2

2 / 2

(Kosova Sot Online)