Lexoni edhe:
Ehat Miftaraj reagon ndaj Ramës: Si me qenë doktor i Vuçiqit, mos po i sëmuret dosti e çka ndodh me fatin e botës
NATO: Rritja e çmimeve të ushqimeve pasojë e luftës, jo e sanksioneve
Rritja e çmimeve globale të ushqimeve është “një pasojë e drejtpërdrejtë” e luftës në Ukrainë dhe jo, siç ka pohuar Moska, pasojë e sanksioneve ndaj Rusisë, tha sekretari i përgjithshëm i NATO-s, sipas BBC.
“Eksporti i drithërave nga Ukraina është jashtëzakonisht kritik,” u tha Jens Stoltenberg gazetarëve në Bruksel. “Rritja e çmimeve të ushqimeve dhe drithërave po nxjerr në pah pasojat globale të kësaj lufte.”
“Rusia po përpiqet të krijojë narrativa se rritja e çmimeve të grurit është shkaktuar nga sanksionet tona, por kjo nuk është e vërtetë,” tha Stoltenberg.
Sekretari i Përgjithshëm tha se po vazhdojnë përpjekjet ndërkombëtare për të hequr bllokadën ruse të porteve të Detit të Zi për të lejuar eksportin e grurit ukrainas, me Turqinë, e cila po luan një rol kyç në negociata.
Në fillim të kësaj jave, shefja e OKB-së për të Drejtat e Njeriut, Michelle Bachelet, paralajmëroi për një rritje të pasigurisë ushqimore globale ndërsa vazhdon lufta në Ukrainë vazhdon.
(Kosova Sot Online)
