Franca ua ndalon grave muslimane veshjet për larje me burkini për arsye fetare

Gjykata e lartë administrative e Francës vendosi të martën kundër lejimit të veshjeve të banjës “burkini” që mbulojnë trupin në pishina publike për arsye fetare, duke argumentuar se shkel parimin e neutralitetit të qeverisë ndaj fesë.

Burkini nxiti debate të ashpëra politike në vend, anipse ajo vishet nga një numër i vogël i grave myslimane në Francë.

Qyteti i Grenoble, i udhëhequr nga një kryebashkiak nga partia e të Gjelbërve, votoi muajin e kaluar për të lejuar gratë të veshin burkini në pishina publike pas fushatës nga aktivistët vendas. 

Rregullat për veshjen në pishina publike në Francë janë strikte, për çka autoritetet thonë se janë për shkaqe higjiene.

Disa qytete të tjera lejojnë burkinit në pishina publike. Qyteti Rennes është në mesin e tyre, por vendimi i tij u mor për të liruar rregullat e veshjes në përgjithësi dhe jo bazuar në shkaqe fetare.

(Kosova Sot Online)