Lexoni edhe:
Ministria publikon limitin e çmimit të naftës dhe benzinës për 24 orët e ardhshme
Blerim Latifi kërkon nga Vjosa Osmani dhe Albin Kurti që ta bojkotojnë Miroslav Lajçakun
Blerim Latifi, profesor i Filozofisë në Universitetin e Prishtinës (UP), ka kërkuar nga presidentja Vjosa Osmani dhe kryeministri Albin Kurti që ta bojkotojnë të dërguarin e Bashkimit Evropian për Dialogun Kosovë Serbi, Miroslav Lajçak.
Kjo për siç tha Latifi “ta kursenin veten dhe qytetarët e Kosovës nga dëgjimi i dokrrave dhe gënjeshtrave të Bashkimin Evropian”, e këtë union profesori i UP-së e ka cilësuar si “klub racist”.
“Tri ditë vizitë. Gjënë më të mirë që do duhej ta bënin kryeministri dhe zyrtarët tjerë, është të mos e prisnin fare, ose maksimumi t’ia mundësonin takimin me ndonjë zëvendësministër”, ka shkruar Latifi.
Bashkimi Evropian ka organizuar një samit ku ka ftuar liderët e Ballkanit Perëndimor. Por s’ka dhënë asgjë konkrete për liberalizimin e vizave.
E Kosova mbetet shteti i vetëm në Ballkanin Perëndimor që s’ka liberalizim të vizave.
Përkundër premtimeve të vazhdueshme nga BE-ja, qytetarët e Kosovës vazhdojnë ta vuajnë regjimin e vizave për të udhëtuar në një nga vendet e Bashkimit Evropian.
(Kosova Sot Online)
