Momenti kur një ekran gjigant në skenë shkëputet dhe zë dy kërcimtarë

  • E.K /
  • 29 July 2022 - 08:51
Momenti kur një ekran gjigant në skenë shkëputet dhe zë dy kërcimtarë

Një ekran gjigant ra dhe plagosi dy kërcimtarë derisa po performonte grupi i njohur “Mirror” në një skenë koncerti në Hong Kong.

Ekrani goditi një interpretues përpara se të rrëzohej mbi të tjerët, treguan pamjet që qarkullonin në internet.

Koncerti muzikor u ndërpre menjëherë dhe menaxheri i grupit u kërkoi turmës të dilte me qetësi nga salla.

Policia e Hong Kongut konfirmoi për shtypin lokal se dy kërcimtarë të gjinisë mashkullore u shtruan në spital.

Nga spitali thanë se njëri prej tyre kishte marrë lëndime në qafë dhe ishte në gjendje të rëndë në kujdesin intensiv ndërsa një tjetër ishte stabil, raportoi South China Morning Post.

Gjithashtu, edhe disa persona u trajtuan për tronditje.

Qeveria e qytetit ka urdhëruar që pjesa e mbetur e turneut të pezullohet derisa të kryhen kontrolle sigurie në vendet e tjera, shkruan BBC.

“Jam i tronditur nga incidenti”, tha udhëheqësi  i qytetit, John Lee, duke shtuar “u shpreh ngushëllimet për ata që u plagosën dhe shpresoj se ata do të shërohen shpejt”.

(Kosova Sot Online)

gjigant kosovasot gazeta Kosovare hitet muzike perputhen Big Brother Albania VIP kercimtare Hong Kong