Jasharaj pas takimit me Osmanin: Greva vazhdon, Presidentja tha do të ‘interesohem’ për kërkesat

Kryetari i SBASHK’ut, Rrahman Jasharaj, është deklaruar për media pas takimit me Presidenten Vjosa Osmanin.

Jasharja ka deklaruar ia kanë bërë të qarta edhe një herë kërkesat a tyre Osmanit, nga e cila kanë marrë premtime se do të interesohet për këtë çështje.

Sipas tij, Osmani u ka kërkuar që ta ndërpresin grevën.

“Në takim me presidenten paraqitëm kërkesat tona, të cilat edhe ajo tha se janë legjitime. Ne e lutem presidenten që ta shfrytëzojë autoritetin e saj në mënyrë që të ndikojë që të ulemi për të diskutuar me përfaqësuesit e Qeverisë për realizimin e kërkesave tona”, tha Jasharaj.

“Qeveria mund të japë ndihma për punëtorët dhe ne i gëzohemi kësaj, por kërkesat tona janë tjera. E vlerësoj angazhimin e presidentes, por për fat të keq greva do të vazhdojë”, deklaroi ai.

(Kosova Sot Online)