Lexoni edhe:
Bashkëpunimi i ngushtë i familjes me organet e drejtësisë në funksion të parandalimit të krimit dhe rritjes së sigurisë
Pas zgjedhjes së dy kryetarëve të partisë Guxo, Eugen Cakolli nga KDI thotë se kjo parti e ka filluar zyrtarisht aktivitetin partiak/politik me shkelje të legjislacionit gjatë zgjedhjes së strukturave udhëheqëse të saj.
Sipas tij, legjislacioni zgjedhor në Kosovë nuk e njeh mundësinë e “bashkë-kryesimit” të partive.
Ai thotë se Ligji për Zgjedhjet dhe Rregulla Zgjedhore 01/2013 përcaktojnë qartazi që partitë politike kanë ‘kryetar’, e jo ‘kryetarË’.
“Rrjedhimisht, statutet e partive duhet t’i përcaktojnë procedurat për zgjedhjen e vetëm një kryetari. Ndryshe, nuk do të mund të zbatohen obligimet për funksionim të rregullt që ka partia politike, respektivisht kryetari/ja e saj – si instancë kryesore për, minimalisht, nënshkrimin e dokumenteve zyrtare dhe përgjegjësisë ligjore”, shkroi Cakolli.
Sipas tij, Zyra do të duhej t’i propozonte KQZ-së mosnjohjen e këtij Kuvendi dhe vendimmarrjes së partisë “Guxo” lidhur me këtë çështje, si dhe t’a obligojë atë që t’a harmonizojë statutin e partisë me kornizën ligjore.
Kujtojmë se sot partia Guxo zgjedhi dy kryetarë, Faton Peci dhe Donika Gërvalla të cilët do të bashkëkryesojnë në ushëheqjen e partisë.
(Kosova Sot Online)