Çmimet “thyejnë në mes” shqiptarët, si kurrë më parë gjatë 24 viteve të fundit

Çmimet në Shqipëri  vijojnë  të kenë rritje drastike në Shqipëri. Të dhënat e INSTAT tregojnë se gjatë muajit shtator inflacioni arriti në  8.1% duke  kapur nivelin më të lartë në 24 vite .

Krahasuar me muajin Shtator 2021, rritja më e madhe e çmimeve vërehet në grupin “Transporti” me 17,2 %, pasuar nga grupet “Ushqime dhe pije joalkoolike” me 14%.

Brenda grupit të ushqimeve produktet që kanë dhënë impaktin më të madh janë  vajra dhe yndyrna” që u rritën  me 30,0 %, pasuar nga nëngrupet “qumësht, djathë dhe vezë” me 24,0 %, “bukë dhe drithra” me 17,3 %.

Rritja e çmimeve në grupin e transportit ka ardhur e ndikuar nga karburantet  të cilat gjatë shtatorit kanë pasur  një rritje të konsiderueshme .Nafta  është tregtuar për disa kohë me 245 lekë për litër e cila është  prej vlerave më të larta të regjistruara që prej nisjes së konfliktit Rusi-Ukrainë.

Inflacioni i lartë në ekonominë shqiptare pritet të vijoj edhe në muajt e mbetur të këtij viti. Sfidë parashikohet të jetë edhe sigurimi i energjisë elektrike.

(Kosova Sot Online)