Lexoni edhe:
Zbulimi i ri i dallavereve me subvencione në MB, një goditje tjetër e rëndë kundër qeverisjes së korruptuar gjatë mandatit të kaluar
A do të hapen sot shampanjat në Kosovë? BE jep përgjigje për vizat
Tema e liberalizmit të vizave për Kosovën do të jetë temë diskutimi në takimin e sotëm në Këshillin e Ministrave të Bashkimit Evropian. Lajmi është konfirmuar, sot nga Zyra e Qeverisë së Çekisë.
“Mund të ju konfirmojmë se Qeveria e Çekisë, e cila kryeson Presidencën e Bashkimit Evropian ka vendosur për diskutim në rend dite, çështjen e liberalizimit të vizave për Kosovën në takimin e Grupit punues, që mbahet sot (12 tetor) dhe nesër më 13 tetor. Tema e liberalizmit të vizave për Kosovën, do të diskutohet nesër, më 13 tetor”, thuhet në përgjigjen e Qeverisë së Çekisë.
Diskutimit nesër për temën e liberalizmit të vizave për Kosovën, i ka paraprirë sot publikimi i Raportit të Progresit për Kosovën i Komisionit Evropian, ku vetë Komisionari për Fqinjësi dhe Zgjerim i Bashkimit Evropian, Oliver Varhelyi, gjatë prezantimit të Pakos së Zgjerimit, ka ritheksuar dhe rikonfirmuar se Kosova ka përmbushur të gjitha kriteret për liberalizimin e vizave.
Tashmë është rikonfirmuar se Kosova ka përmbushur të gjitha kriteret për liberalizimin e vizave.
Ndërkohë, dje kanë nisur festimet para kohe për liberalizimin e vizave në Lëvizjen Vetëvendosje.
Ish-kryetari i Prizrenit, Mytaher Haskuka teksa festoi ditëlindjen, bën festë për “liberalizimin e vizave” dhe për “raportin e Komisionit Evropian për Kosovën”.
“Tu e festue raportin më pozitiv të Komisionit Evropian për Kosovën, liberalizimin e vizave… po edhe ditën që po plakem për një vit së bashku me zemrat”, ka shkruar Haskuka.
(Kosova Sot Online)
