Daçiq: Rusia na duhet për çështjen e Kosovës

Ministri i Jashtëm i Serbisë, Ivica Daçiq , ka deklaruar se çështja e Kosovës nuk është imagjinare.

Sipas tij, Serbia ka nevojë për mbështetjen e Rusisë kur në pyetje është Kosova.

“Çështja e Kosovës nuk është imagjinare për ne, por po flasim se si ndikon në Serbi. Ne kemi nevojë për mbështetjen e Rusisë kur është fjala për Kosovën, sepse këtu nuk kërkojmë zgjidhje politike, por se si Serbia do ta gëlltisë më lehtë pavarësinë e Kosovës”,deklaroi ai.

Sipas Daçiq, Serbia nuk sheh ndonjë propozim të arsyeshëm, që ta pranojnë dhe të ruajnë paqen.

Madje sipas tij, Perëndimi me veprimet e veta po e shtyn Serbinë drejt vendeve të tjera.

“Kur nuk ke kujt t’i drejtohesh, duhet të kërkosh ndihmë nga dikush, kur është fjala për votën për Kosovën, duhet t’u drejtohesh vendeve që të mbështesin. Duhet të jem i sinqertë nuk mund të mbështetemi në zërat e Perëndimit”, tha ai.

(Kosova Sot Online)