Lexoni edhe:
Mungesa e transparencës rreth planit franko - gjerman për marrëveshje, po krijon mjegull të frikshme në opinion
E dhimbshme: Ky është i moshuari që humbi jetën në aksidentin me fatalitet në Mitrovicë
Një aksident i rëndë trafiku la të vdekur një person dje rreth orës 16:00 në fshatin Rekë të Mitrovicës. I ndjeri po drejtonte motoçikletën në momentin që u godit nga vetura.
Sinjali mëson se viktima është 67-vjeçari, Nazif Zeneli.
Deri te aksidenti dyshohet se ka ardhur për shkak të pakujdesisë së shoferit të veturës, i cili po lëvizte në rrugën Rajonale Mitrovicë – Bajgorë.
Zeneli ishte dërguar me shenja jete në Emergjencën e Spitalit Rajonal të Mitrovicës, mirëpo për shkak të lëndimeve të rënda që kishte marrë, ai nuk ka arritur që të mbijetojë. Vdekjen e tij e ka konstatuar mjeku kujdestar.
Ndërkohë shoferi që dyshohet se shkaktoi aksidentin është arrestuar dhe është dërguar për mbajtje për 48 orë.
Trupi i pajetë i viktimës është dërguar në Institutin e Mjekësisë Ligjore për obduksion.
(Kosova Sot Online)
