Situata në veri të Mitrovicës, Sadiku: Kërkojmë normalitet, jemi lodhur, duhet qetësi

Zëvendëskryesuesi i Kuvendit Komunal në Mitrovicën e Veriut, Skënder Sadiku, ka folur për situatën e tensionuar në veri të vendit, transmeton "Kosova Sot Online".

Sadiku, ka potencuar se qytetarët janë lodhur nga situatat dramatike dhe se kërkojnë qetësi.

“Edhe komuniteti shumicë serbë, 23 vite me lojëra e heronjve e viktimave është shumë për një qytet me 5km katrorë, kërkojmë normalitet. Në fund të ditës atje ka njerëz ka familjarë, ka njerëz i kanë sytë nga mediat, i kanë sytë nga Prishtina e Beogradi, Brukseli e Amerika. Jemi lodhur, po kërkojmë shpresë, shpresojmë të jetë ky treni i fundit… duhet qetësi edhe tek komuniteti serbë, edhe ata janë lodhur”, ka deklaruar ai.

(Kosova Sot Online)