Shefi i EULEX-it: Patrulla jonë u sulmua duke iu afruar barrikadave afër Rudarit në veri të Mitrovicës

kreu i EULEX-it, Lars Gunnar Wigemark, tha se patrulla e tyre u sulmua duke iu afruar barrikadave afër Rudarit në veri të Mitrovicës, por që ai shtoi se nuk e dinë se kush e hodhi bombën trulluese, transmeton "Kosova Sot Online".

“Patrulla jonë u sulmua duke iu afruar barrikadave afër Rudarit në veri të Mitrovicës, në këto barrikada kishte popullatë serbe, por nuk mund të them me 100% siguri se kush e hodhi bombën trullosëse. Falënderoj për deklaratat e presidentit Vuçiq dhe të tjerëve në të cilat kërkohet që EULEX-i dhe KFOR-i të mos sulmohen dhe se ne jemi këtu për të përmbushur mandatin tonë”, tha ai.

“Siç e dini, ka një sërë barrikadash në rrugë, veçanërisht në rrugën nga Mitrovica për në Leposaviq, Jarinje dhe më tej për në Serbi. Gjithashtu, ka edhe disa barrikada të tjera. Në përgjithësi, mendoj se popullata vendase, qofshin ata serbë të Kosovës apo shqiptarë të Kosovës apo grupe të tjera etnike, por sigurisht që po flasim për serbët etnikë dominues që janë shumicë atje, janë shumë të shqetësuar. Njerëzit janë të frikësuar. Ka më shumë se një muaj që kur serbët janë larguar nga institucionet e Kosovës ka një vakum sigurie”

(Kosova Sot Online)