Mbesa e Mustafës me fjalë emocionuese për të: XHAXH, më fal, po sot mbeta pa fjalë

Sot Gjykata Speciale e ka shpallur fajtor dhe e ka dënuar me 26 vjet burg ish-pjesëtarin e Ushtrisë Çlirimtare të Kosovës, Salih Mustafën, shkruan "Kosova Sot Online".

Mbesa e Salih Mustafës, ka prekur me fjalë emocionuese dhe prekëse për dënimin e  xhaxhait të saj.

Mbesa e Mustafës është shprehur se vendimi për dënimin e Musatafës është i padrejtë dhe se ajo ka mbetur pa fjalë.

Postimi i plotë:

XHAXH,

Më fal, po sot mbeta pa fjalë.

E di që nëse kishe qenë këtu, më kishe thon: "Qysh be xhaxh, me qenë gazetare, edhe me të mungu shprehjet.

Bash ti duhesh me ditë qysh me u shpreh më së miri", me atë buzëqeshjen e lehtë e triumfuese që të karakterizon.

Por xhaxh, mbesa jote po të zhgënjen kësaj radhe, se kom mbetë e heshtun, pa fjalë, e s'di ç'të them ndaj këtij vendimi e kësaj padrejtësie që të është bë sot.

Xhaxh, qenka shumë vështirë me pa, se idolli im, që përfaqëson idealet e luftës e drejtësisë, u dënua, pikërisht për mbrojtjen e këtyre idealeve të kombit tonë, për kohën kur pak patën guximin t'i dilnin ballë luftës për çlirim të atdheut, e ti ishe në krye.

Kisha pasë qef xhaxh, tash me të pasë në mesin tonë, ku e ke vendin, e për çka ke luftu, në liri.

Por, e di xhaxh, ti je i fortë.

Jam shumë e bindur, ke me kalu edhe këtë, e ke me u kthy, më i fortë se kurrë.

E si gjithë xhaxh, ke me fitu, edhe këtë betejë.

Të presim,

Krenarë gjithmonë me ty, Komandant!

#Liriakaemër

#UÇK

#SalihMustafa

(Kosova Sot Online)