Gërvalla flet për takimin me Dendias: Presim me padurim rezultatet në temat që i diskutuam

Ministrja e Punëve të Jashtme, Donika Gërvalla, sot është takuar me kryediplomatin e Greqisë, Nikos Dendias, përcjell "Kosova Sot Online".

Gërvalla tha se në këtë takim kanë biseduar për bashkëpunimin, anëtarësimin e Kosovës në Bashkimin Europian dhe në Këshillin e Europës, etj.

“Ky takim i sotëm ishte në vazhdën e një serie të takimeve në rrethana të ndryshme dhe me përmbajtje të ndryshme. Presim me padurim rezultatet, hapat e mëtejshën në temat që i diskutuam sot”, tha Gërvalla.

Gërvalla shtoi se pret me padurim rezultatet rreth temave që i diskutuan sot.

“Diskutuam për ekonominë, për bashkëpunimin, anëtarësimin e Kosovës në Bashkimin Europian dhe në Këshillin e Europës, biseduam rreth iniciativave të ndryshme të koordinuara dhe biseduam për hapa praktikë në bashkëpunimin e ndërsjellë”, tha Gërvalla.

(Kosova Sot Online)