E rëndë: Shqiptari në Gjermani vret ish-gruan

  • A.P /
  • 22 January 2023 - 16:42
E rëndë: Shqiptari në Gjermani vret ish-gruan

Në Markdorf të Gjermanisë, një ngjarje e rëndë ka ndodhur ditën e sotme, ku një shqiptar ka shkuar të vendi i punës së ish-gruas dhe e ka qëlluar për vdekje, transmeton gazeta “Kosova Sot Online”.

47-vjeçari shqiptar është arrestuar nga policia dhe ndodhet në paraburgim. Kjo është bërë e ditur nga prokuroria publike në Konstanz dhe selia e policisë në Ravensburg në një deklaratë të përbashkët.

Gjithashtu thuhet se është ngritur një grup hetimor për zbardhjen e krimit. Policia dyshon se dëshmitarët e kanë parë krimin, por janë larguar nga vendi i ngjarjes para se të mbërrinte policia dhe bën apel se kushdo që ka parë diçka duhet të denoncojë.

Sipas raporteve, burri mësohet se ka qëlluar 44-vjeçaren në gjendje të dehur. Ajo ka ndërruar jetë në vend. Nga sulmi nuk ka persona të tjerë të lënduar dhe motivi i krimit është ende i paqartë.

(Kosova Sot Online)