Osmani pritet nga presidenti italian

Gjatë vizitës në Itali, Presidentja e Republikës së Kosovës, Vjosa Osmani është pritur nga Presidenti i Republikës së Italisë, Sergio Mattarella, transmeton gazeta “Kosova Sot Online”.

 I pranishëm në takim ishte zëvendësministri i Punëve të Jashtme dhe Bashkëpunimit Ndërkombëtar, Edmondo Cirielli.

“Rruga e dialogut Kosovë-Serbi nuk ka alternativë”. Kështu ka thënë, sipas asaj që mësohet, Presidenti i Italisë Sergio Mattarella, gjatë takimit me Presidenten e Republikës së Kosovës Vjosa Osmani Sadriu. Vizita në Itali presidentes së Kosovës bëhet në përvjetorin e pesëmbëdhjetë të vendosjes së marrëdhënieve diplomatike mes dy vendeve, raporton Italpress.

“Italia, ndër vendet e para që njohu Kosovën, e kupton mirë se sa kërkuese mund të jetë rruga e pajtimit me Serbinë”, nënvizoi Mattarella. Por ne duhet të lëmë mënjanë vizionin e tjetrit si armik dhe të bëjmë zgjedhje të guximshme për të krijuar një klimë besimi dhe respekti reciprok”.

Nga ky këndvështrim “marrëveshja e propozuar e paraqitur nga BE-ja paraqet një mundësi të rëndësishme, të cilën duhet të shfrytëzojnë të dyja palët, edhe me synimin për anëtarësimin e ardhshëm në Bashkimin Europian”, shtoi presidenti italian, sipas të cilit procesi i Integrimi europian është i rëndësishëm jo vetëm për stabilizimin e Ballkanit, por edhe për përmbushjen e dizajnit europian. Mattarella shprehu mbështetjen italiane për aspiratën e Kosovës për anëtarësim në Këshillin e Evropës.

(Kosova Sot Online)