Juratoviq: Pa i rregulluar marrëdhëniet as Serbia e as Kosova nuk do të hyjnë në BE

Deputeti i Partisë Socialdemokrate Gjermane (SPD), Josip Juratoviq, ka thënë për gazetën “Nova” se “pa rregulluar marrëdhëniet ndërmjet Kosovës dhe Serbisë, as Serbia e as Kosova nuk do të hyjnë në BE”, përcjell “Kosova Sot Online”.

“Të dy duhet t’i thonë popujve të tyre, sepse çdo vonesë mund të zgjasë ekzistencën e tyre politike, por rrezikon popujt e tyre, jo vetëm në aspektin e luftës dhe paqes, por edhe në aspektin e jetës së përditshme”, tha Juratoviq.

Juratoviq tha se “shembulli më i mirë për këtë janë dy Gjermanitë para rënies së Murit të Berlinit”, të cilat kurrë nuk e njohën njëra-tjetrën, por ishin anëtarë të bashkësisë ndërkombëtare.

“Do të vijë koha kur shoqëritë moderne demokratike do të ndërtohen si në Serbi ashtu edhe në Kosovë dhe ato do të gjejnë lehtësisht një zgjidhje përpara se të anëtarësohen në BE. Kujt i intereson më shumë mosmarrëveshja për kufirin e Kroacisë me Slloveninë pas hyrjes së Kroacisë në Shengen”, tha Juratovic.

(Kosova Sot Online)