"Po ta dinin deputetët këtë gjë, nuk do ta ratifikonin demarkacionin me Malin e Zi"

Kryeministri i vendit, Albin Kurti, ka folur rreth çështjes së demarkacionit me Malin e Zi, përcjell “Kosova Sot Online”.

Kurti tha se deputetët po ta dinin se s’do të bëhej liberalizimi i vizave, nuk do ta ratifikonin atë.

Kurti ka thënë se nëse një votë do të mungonte nuk do të bëhej ao.

“Po ta dinin deputetët më 21 mars të vitit 2018-të që edhe pas ratifikimit nuk do të ketë liberalizim të vizave nuk do t’i kishte 80 vota. Një votë po të mungonte nuk do të bëhej”, tha Kurti.

“I kemi pasur dy komisione me misione të ndryshme. Komisioni i Malit të Zi e ka pasur caktimin e kufirit, Komisioni i Kosovës e ka pasur mision shënjimin e kufirit. Ne kemi thënë se duhet të presim pak se duhet korrigjim para se të bëhet”, tha ai.

“Unë nuk dua ta bartë gabimin e qeverive të kaluara. Ne do ta presim momentin e përshtatshëm që ta bëjmë korrigjimin. Tani në Podgoricë e kemi një kryeministër në detyrë dhe së shpejti do të ketë edhe zgjedhjet për president”.

(Kosova Sot Online)