Përplasi 3 makina dhe iku, arrestohet 24 vjeçari
Policia në Tiranë ka arrestuar një 24 vjeçar, pasi dje në mbrëmje duke drejtuar automjetin e tij ka goditur 3 makina të tjera duke shkaktuar katër të plagosur, shkruan “Kosova Sot Online”.
Mbrëmjen e të enjtes, policia tha se shoferi që shkaktoi aksidentin kishte ikur nga vendngjarja, ndërsa është vënë arrestuar disa orë më pas.
Të lënduarit ndodhen jashtë rrezikut për jetë.
Njoftimi i Policisë së Tiranës:
Specialistët e Qarkullimit Rrugor arrestuan shtetasin:
A. Q., 24 vjeç, banues në Has, Kukës, pasi duke drejtuar automjetin, te ‘Komuna e Parisit’, ka goditur 3 automjete të tjera.
Si pasojë e aksidentit kanë mbetur të dëmtuar 3 drejtuesit e automjeteve dhe një pasagjere, të cilët ndodhen jashtë rrezikut për jetën.
(Kosova Sot Online)
