Sefaj: Mbasi na e keni sjellë njohjen nga Serbia edhe rrenat po ua bejmë hallall
Pasi sot janë ekzekutuar me rritje pagat në sektorin publikë, ka reaguar Ali Sefaj, udhëheqës i Këshillit Grevist të Shërbyesve Civil, transmeton gazeta “Kosova Sot Online”.
Në disa kategori janë shpërfaqur pakënaqësitë pasi rritja e rrogës nuk ka qenë ashtu siç të paktën pritej.
Kësisoj sipas Sefajt, Ministria e Financave “ose nuk ka ditur që t’i llogarisë pagat ose i ka gënjyer me qëllim mësimdhënësit”.
Ai shprehet se “rritja në arsim është rreth 80 euro, ndërsa nga Ministria e Financave mashtronin qe rritja është 150, 167 dhe 175 euro”.
“Njejtë i kanë mashtruar të gjitha sektoret, perjashto oborrtaret qeveritar: ministra, zv ministra, deputet, kryetar komunash, keshilltar, drejtor në komuna dhe asamblistë”, shkroi ai në Facebook.
“Mbasi na e keni sjellë njohjen nga Serbia edhe rrenat po ua bejmë hallall”.
(Kosova Sot Online)
