Thaçi: Qeveria Kurti nuk ka më legjitimitet

Qeveria nuk ka më legjitimitet të qeverisë me vendin, pas pranimit të Asociacionit të komunave me shumicë serbe, ka deklaruar analisti Jusuf Thaçi, transmeton gazeta “Kosova Sot Online”.

“Bazuar në atë që deklaroi sonte kryeministri Kurti në lidhje me Zajdenicën/Asociacionin, që prej sonte kjo qeveri më nuk ka legjitimitet të qeverisë me vendin, sepse nuk përfaqëson më atë që e ka proklamuar në zgjedhje (edhe para zgjedhjeve) në lidhje me Zajdenicën, bile tashmë përfaqëson të kundërtën e asaj që ka premtuar në zgjedhje”, tha Thaçi.

Ai tutje tha se “Zajednica” nuk mund të bëhet kurrë e pranueshme dhe se shpresat për “të bërë eskivazha” gjatë zbatimit të saj janë të kota.  

“Relativizimet janë të kota, Zajdenica është Zajdenicë, nuk mund të bëhet kurrë as e mirë e as e pranueshme. Shpresat për të bërë eskivazha gjatë zbatimit të Zajdenicës janë të kota”, shtoi ai. 

(Kosova Sot Online)