As këtë muaj nuk ka shtesa në pagat për zyrtarët publikë

As gjatë këtij muaji, zyrtarëve publikë nuk iu kanë ekzekutuar në pagat e tyre shtesat e parapara në Ligjin për Paga, përcjell “Kosova Sot Online”.

Ministria Financave dhe Ministria e Punëve të Brendshme ka njoftuar se ende nuk janë finalizuar të gjitha listat përkundër punës intensive dhe se shtesat për muajin shkurt dhe mars do të ekzekutohen në pagën e muajit prill.

Në njoftim thuhet se procesi i trajtimit të të dhënave dhe finalizimit të listave është duke vazhduar.

“Përkundër punës intensive të komisioneve për përcaktim të shtesave, procesi i trajtimit të të dhënave dhe finalizimit të listave është duke vazhduar, andaj njoftojmë të gjithë zyrtarët publikë se shtesat e sipërpërmendura për muajin shkurt dhe mars do të paguhen në mënyrë retroaktive në pagën e muajit prill”, shkruhet në njoftim.

(Kosova Sot Online)