Përplasje me armë mes shqiptarëve në Hamburg, një i plagosur – sherri nisi në qebaptore

  • E.K /
  • 25 April 2023 - 11:47
Përplasje me armë mes shqiptarëve në Hamburg, një i plagosur – sherri nisi në qebaptore

Një person u plagos rëndë në një përleshje në Reeperbahn në orët e para të mëngjesit të së martës. Së bashku me dy-tre persona të tjerë, ai hyri në një qebaptore në lagjen St. Pauli të Hamburgut.

Grupi u ul dhe nisën të flasin, por biseda u përshkallëzua brenda pak minutash dhe filloi një debat. Gjatë kësaj kohe, një prej personave me sa duket ka nxjerrë një armë dhe ka tërhequr këmbëzën të paktën një herë. Viktima është goditur në stomak dhe është rrëzuar me plagë të rrezikshme për jetën.

I plagosur është dërguar në klinikën “Shën Gjergji”. Këtu ai iu nënshtrua një operacioni urgjent. Autori ose autorët mundën të arratiseshin pa u zbuluar. Sipas dëshmitarëve, ata u futën në një makinë të parkuar dhe u larguan me xhirime gomash.

Policia është në kërkim të personave dhe po ashtu ka kontrolluar vendin e krimit për të dhëna të vlefshme. Grupi i përfshirë thuhet se është shqiptar. Një mosmarrëveshje e hidhur në mjedisin e drogës është ndezur në këtë zonë për javë të tëra. Ende është e paqartë nëse ky akt është edhe për shkak të kësaj situate.

(Kosova Sot Online)