Gazeta amerikane plas ‘bombën’: SHBA po heton Ramën dhe Veliajn, Biden do shkëpusë lidhjet me ta
Gazeta e njohur e kryeqytetit amerikan, Washington Examiner, sjell sot një shkrim bombastik.
Sipas gazetarit John Schindler, që ka raportuar edhe më herët për aferën mes Edi Ramës dhe agjentit të lartë të FBI-së, Charles McGonigal, administrata e presidentit Joe Biden është gati të shkëpusë lidhjet me Ramën.
Gazetari thekson se afera McGonigal duket se do groposë politikisht Ramën.
Madje ai shton se SHBA po heton Ramën, por edhe Erion Veliajn në këtë drejtim.
“Nga burime të qeerisë amerikane kam kuptuar se komuniteti i inteligjencës, i cili ka vite që ka njohur lidhjet e pakëndshme të narkotrafikut të qeverisë Rama, posedon dosje të trasha sekrete që tregojnë këtë histori të pakëndshme.
Pëshpërimat nga Departamenti i Drejtësisë thonë se po hetohen lidhjet me Shqipërinë deri në nivelet më të larta.
Por ky hetim nuk synon vetëm Ramën. Departamenti i Drejtësisë thuhet se po shqyrton edhe socialistët kryesorë, përfshirë Erion Veliajn, kryebashkiak i kryeqytetit të vendit dhe një aleat i ngushtë i Ramës.
Lidhjet me reputacion të Veliajt me krimin e organizuar ndërkombëtar, lidhjet me trafikun e drogës dhe pastrimin e parave, janë raportuar, kështu që nuk ëshët habitshme që ai po vihet nën vëzhgimin e Uashingtonit.
Në një mënyrë tipike ballkanike, disa politikanë shqiptarë pretendojnë se Veliaj, duke nuhatur gjakun në ujë dhe duke e parë veten si pasaardhës të kryeministrit, po ndihmon fushatën e shtypit kundër Ramës.
Pavarësisht kësaj, skandali i McGonigal ka ndryshuar lojën në Shqipëri. Për një dekadë, Edi Rama ka shpëtuar duke e kthyer vendin e tij, aleat të NATO-s dhe SHBA, në një narkoshtet në Europë.
Duket se administrata e Biden më në fund është mbushur nga kjo marrëveshje e neveritshme. Do të dimë më shumë pas zgjedhjeve në Shqipëri pas dy javësh,” shkruan gazetari.
(Kosova Sot Online)
